الرئيسية مقالات و آراء نجيب المختاري: دراسة تثبت عدم وجود أي تأثير علاجي لدواء الكلوروكين على مرض الكوفيد 19

نجيب المختاري: دراسة تثبت عدم وجود أي تأثير علاجي لدواء الكلوروكين على مرض الكوفيد 19

14 ثانية قراءة
0

من صفحة مبسط العلوم نجيب المختاري

دراسة جديدة غادي تدير بزاف ديال الصداع خرجت اليوم فوحدة من أرقى المجلات العلمية الطبية The Lancet اللي هي أكبر دراسة observationelle تدارت لحد الان على موضوع الكلوروكين. الدراسة شملت 96 ألف ديال المرضى منهوم 80 ألف اللي ما خذاوش الكلوروكين وتقربيا 15 ألف اللي خذاو الكلوروكين.

الدراسة خذاو فيها فقط الحالات اللي بدات العلاج بالكلوروكين مباشرة بعد التشخيص وحيدو منها المرضى اللي بداو العلاج بالكلوروكين بعد 48 ساعة من التشخيص. يعني حيدو گاع الناس اللي حتى دخلو للانعاش عاد بداو العلاج.
النتائج:

ـ إثبات أنه مكين أي تاثير علاجي ديال هاد المادة على مرض الكوفيد 19، سواء مصحوبة بمضاد حيوي فحال الازيثروميسين أو لا.
ـ معدل الوفاة كان أكثر ب 1.4x مرة عند الناس اللي خذاو علاج بالكلوروكين مصحوب بمضاد حيوي فحال الازيثروميسين.
ـ معدل اصابة باضطراب فضربات القلب اكثر ب 5.1x مرة عند الناس اللي خذاو علاج بالكلوروكين مصحوب بمضاد حيوي فحال الازيثروميسين.
هاد الدراسة كتأكد دراسات سريرية سابقة عديدة خرجت فالاسابيع الماضية على الموضوع واللي كاملين بيهوم لقاو ان الكلوروكين معندهاش تاثير أو انها كتساهم فالتدهور ديال الحالات.

هاد المنشور ما غاديش نوجّهو للناس اللي جاو هاجمو هاد الصفحة فشهر مارس باش كنت كنقول أنه “الرجوع لله راه ماكيناش دراسة كتثبت ان الكلوروكين ناجع ضد الكوفيد وان الادلة المتوفرة هي سطحية وأولية جدا وكاين عرّام ادوية اخرى بنفس المستوى فالاثبات”.. لأن الواحد اللي كيتيق يوتوبر كينشر العلم الزائف منذ سنوات فقط حيتاش عندو اللحية طويلة ولا كيتيق باحث فرنسي فقط حيتاش كيدافع على المهاجرين، هاد المنشور غالبا ماغادي يغيّر فهاد الناس والو ما حدوم ما فهموش ان العلم التجريبي راه لا يأبه لآرائك السياسية أو الموسيقية أو لونك المفضل وأن العلم يأبه فقط لما تقوله التجارب العلمية.. وأنه وخا يجي حائز على نوبل يقولك هضرة راه هضرتو ما كتسوا والو ما حدها غير مسنودة بتجربة علمية.

هاد الدراسة par contre خاس تجعلنا نسولو.. كيفاش المغرب قام بالتعميم ديال پروتوكول علاجي اللي الادلة العلمية المتوفرة عليه كاملة كانت مفارقاتية ومبنية على دراسات عندها مشاكل منهجية عويصة واللي الادلة عليها مافايتاش مثلا الادلة السطحية المتوفرة على أن السيجارة كتنقص من احتمال الاصابة بالكوفيد او دراسات سطحية من هاد القبيل. وواش بلاد كاملة ما عندهاش بنية علمية اللي فيها خبراء عارفين أن الاغلبية الساحقة ديال الادوية المضادة للفيروسات اللي كيصدقو in vitro كيفشلو فالاختبارات السريرية.

السؤال هو: علاش الدولة المغربية فرضت هاد الپروتوكول العلاجي المعمم على المرضى بدل مثلا من تجريب پروتوكولات مختلفة بادوية مختلفة فحال اللي دارو عدد من الدول على امل ان واحد من هاد الدوايات يصدق.. وتعتمد هاد الادوية على انها مستعملة فاطار العلاج الرحيم compassionate use.. ماشي تقمّر على دوا واحد وتقوم بادعاء pseudoscientific مفاده ان العلاج راه ناجع فحال اللي سمعنا اكثر من مرة دون اي يكون الادعاء مسنود باي بحث علمي منهجي.

رابط المقالة العلمية

إضافة: راجع المنشور الموالي بالنسبة لسؤال “إيوا اذن علاش هبط معدل الوفيات فالمغرب؟” الرابط:

السؤال رقم واحد فتعليقات المنشور السابق اللي كان على عدم نجاعة بل الفتك النسبي للكلوروكين بمرضى الكوفيد.. السؤال كان:…

Publiée par Najib El Mokhtari sur Vendredi 22 mai 2020

المزيد مقالات و آراء

أضف تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إقرأ أيضا

13 إصابة جديدة بفيروس كورونا بالعرائش و صفر حالة وفاة بالإقليم خلال 24 ساعة

أفادت منظومة الرصد الوبائي بجهة طنجة تطوان الحسيمة، تسجيل إصابة 120 حالة جديدة بفيروس كورو…